Këshilli i Mandateve do të mblidhet sot për trajtuar kërkesën e SPAK për heqjen e imunitetit të zv/kryeministres Belinda Balluku.
Ndërkohë në Kuvend kanë mbërritur prokurorët e SPAK, mes të cilëve është edhe kreu i ri i Prokurorisë së Posaçme, Klodian Braho dhe Dorina Bejko Dritan Prençi.
Heqja e imunitetit të Ballukut nga Kuvendi do t’i hapte rrugë arrestimit të saj, qoftë ky arrest me burg, në shtëpi apo edhe kontroll banese.
Ndërkohë, Belinda Balluku ka refuzuar të marrë pjesë në mbledhje.
Anëtarët e Këshillit mblidhen pasi Gjykata Kushtetuese rrëzoi kërkesën e qeverisë për pezullimin e masës së GJKKO që shkarkoi nga funksionet publike, zv/kryeministren Belinda Balluku.
Me urdhër të kryeministrit Rama, kreu i kuvendit shtyu prej dy muajsh shqyrtimin e kërkesës që SPAK e dorëzoi më 19 dhjetor. Kjo kërkesë ka afat 3 muaj. Nëse kalon ky afat atëherë kërkesës i skandon afati dhe Prokuroria e Posaçme duhet t’i drejtohet Kuvendit me një tjetër kërkesë.
Discussion about this post