“Prokurorët janë kërcënuar”, Arben Kraja paralajmëron: Shumë dosje drejt përfundimit

Kreu i SPAK Arben Kraja konfirmoi për mediat se gjyqtarë dhe prokurorë të sistemit të ri të drejtësisë, janë kërcënuar, pasi ata po hetojnë dosje shumë të “nxehta”.

I pyetur nga gazetarët rreth lajmeve se disa prokurorë të SPAK dhe gjyqtarë të GJKKO-së janë kërcënuar kohët e fundit, Kraja theksoi se këta prokurorë dhe gjyqtarë janë duke hetuar dosje të zyrtarëve dhe ish-zyrtarëve të lartë shtetërorë, dhe normalisht që ka pasur kërcënime. Gjithashtu, ai paralajmëroi se shumë dosje janë drejt përfundimit.

Ka shumë dosje që janë drejt përfundimit, ato kanë problematikat e veta dhe janë drejt përfundimit. Prokurorët dhe gjyqtarët të SPAK kanë për të trajtuar çështje shumë të vështira, qoftë personazhe të krimit, qoftë zyrtarë të lartë, të cilët janë nën hetim. Ka indicie ka edhe kërcënime dhe presione. Shumica e prokurorëve kanë mbrojtje nga shteti, por secili vazhdon detyrën”, tha Kraja.