Kryetari i PD-së, Sali Berisha, u shpreh në emisionin “Open” në News24 se SPAK është një organizatë kriminale dhe këtë do ua provonte edhe amerikanëve.
Berisha tha se “nëse lexoj dokumentin dhe x prokuror i shkruan Suel Çelës dhe i thotë dua 100 mijë euro për të kryer këtë veprim, dhe një Suel tjetër i thotë jo 100 po 70, atëherë çfarë është kjo? Unë do i bëj publike këto, janë organizatë kriminale që vepron kundër interesave të kombit dhe qytetarëve të vendit tim”.
Kreu demokrat Sali Berisha duke folur për heqjen e masës së sigurisë ndaj tij, tha në emisionin “Open” në News24 tha se Kushtetuesja ka diskutuar gjerë e gjatë se si të mos shkruanin që është shkelur Kushtetuta. Por tha Berisha ata shkruajtën se “u vendosën masa jo-proporcionale”.
“Nëse ata do të shpreheshin se është shkelur Kushtetuta, kjo do të thoshte se Sali Berisha po mbronte Kushtetutën.
Por Gjykata mbajti një qëndrim të turpshëm, ishte një vendim me dy masa, dhe nëse bie njëra pikë bie edhe tjetra.
Ky vendim ra sepse u shkel Kushtetuta”, tha Berisha.
“Taulanti i thotë Vatë Stakës, është në KLP ky, dhe i kërkon të lirojë dy personat që ishin në atentatin ndaj Lulzim Kullës në Shkodër, dhe Vata shkon dhe i liron, çfarë është kjo?
Ata menduan se mund të shantazhonin Sali Berishën. Më dërguan mesazhe, menduan se do të blinin heshtjen time, por kurrë nuk do e blinin dot”, tha Berisha.
Kreu i PD-së tha se Altin Dumani iu kontrollon telefonat gjykatësve, iu merr edhe mesazhet erotike, dhe ua përdor.
Masa e arrestit tim ishte vepër e përbashkët e diplomatëve të Ambasadës së SHBA në Tiranë dhe Edi Ramës”, tha Berisha.
Ndërsa i konsideroi si veprime ultra-mafioze në atë që e cilësoi si grusht shteti, Berisha tha se diplomatët amerikanë bënë një grush shteti brenda shtetit për ti dhënë të gjitha pushtetet Edi Ramës.
gijotina.com/
Discussion about this post