Kryeprokurori italian Nicola Gratterit ka qenë i ftuar në një emision televiziv ku ka bërë deklaratën e fortë se mafia shqiptare është pasuruar shumë duke u bërë më e sofistikuar.
“Mafia shqiptare është shumë e strukturuar dhe është bërë shumë e pasur në vendin tonë, falë korrupsionit të jashtëzakonshëm. Nuk është më ajo e grabitjeve në vila, por është një mafia shumë e strukturuar që është pasuruar dhe është një nga tre mafiat, bashkë me atë të Ndraghetës dhe atë Afrikane, më të fuqishme në vend“, ka deklaruar Prokurori i Antimafias Italiane Nicola Gratteri.
Sipas prokurorit, duhet investuar në arsim që shkolla të bëhet më konkurruese, ndërsa shtoi se fëmijët duhet të qëndrojnë në shkollë sa më gjatë që të jenë të apasionuar pas kinemasë dhe muzikës.
Magjistrati Gratteri, fillimisht ishte murator “mbante thasë 50 kilogramë”, pastaj punoi si karrocier, mekanik, bukëpjekës natën dhe më pas ia dedikoi jetën luftës së mafias. Ai tregoi historinë e bosit të Ndranghetës, Roberto Pannunzi, një trafikant droge me origjinë nga Kalabria, i cili jetonte në Amerikën e Jugut, i aftë për të eksportuar 3 deri në 5000 kilogramë kokainë në Evropë.
Discussion about this post