Prokuroria e Tiranës nuk mundi do provojë akuzat ndaj miqve të të ndjerit Mehmet Qema, i cili u vra nga njëri prej tyre teksa ishin duke festuar. Teksa prokuroria kishte dyshime se aty prodhoheshin monedha virtuale , akuza u tërhoq nga veprat penale për të cilat i mbajti nën hetim të rinjtë për një kohë të gjatë.
Në një hetim tjetër të veçuar nga ai i krimit të vrasjes pa dashje të Mehmet Qemës qëlluar për vdekje nga shoku i tij Marjus Dema, prokuroia kërkoi në gjykatë pushimin e akuzës së mos kallëzimit të krimit nga ky i fundit, si dhe ndaj Musli Radës për të cilët pati dyshime se kishin informacione se aty prodhohej kriptomonedhë.
Gjykata rezulton se e miratoi dështimin e hetimeve të akuzës për alibinë se në objektin ku ndodhi vrasja ishte prodhuar bitcoin dhe se ishte vjedhur energji nga shteti.
Midis kërkesave të prokurorisë ishte edhe kërkesa për pushimin e hetimeve për punonjësin e OSHEE-së që u hetua për shpërdorim detyre dhe qe si përfundim nuk u gjet asnjë indicie që ta lidhte punonjësin me veprën penale. I vetmi që u dënua për dosjen e ” bitcoin’ është Kristian Peci që u shpall fajtor për moskallëzim krimi. Megjithatë dosja tregon se i vrari Mehmet Qema u hetua pas vdekjes për vjedhjen e energjisë dhe për një krehër arme, dhe se gjykimi ndaj tij u pushua.
Por prokuroria dhe ne vazhdim gjykata e Tiranës morën të mirëqenë dëshminë e shokëve të Mehmet Qemës te cilët thanë se ambienti përdorej nga i ndjeri dhe se aty do regjistroheshin këngë. Për prokurorinë dhe gjykatën doli e provuar se aty jetonte provizorisht i ndjeri ndonëse kontrata e qerasë ishte në emër të dikujt tjetër.
Si prova materiale u depozitua edhe kontrata e qerase dhe fakte se ambienti me herët përdorej nga një shtetas amerikan. Por shtetasi amerikan i quajtur Aleksis Hermes, sipas dëshmitarëve kishte pasur në përdorim disa kompjuterë , disa prej të cilëve të cilëve i huaji do kthehej për t’i marrë./Top Channal/
Discussion about this post