Naser Al-Khelaifi është shpallur i pafajshëm për akuzat për korrupsion. Një Gjykatë Federale në Zvicër e kishte akuzuar presidentin e PSG, që është edhe në krye të “BeIN Media, që zotërohet nga shteti i Katarit.
Nasser Al-Khelaifi dhe Jerome Valcke, ish-Sekretari i Përgjithshëm i FIFA-s, përballeshin me një çështje gjyqësore që lidhej me të drejtat televizive të Botërorit 2014.
Valcke, i pezulluar me 12 vite nga futbolli, u zbulua se kishte marrë pjesë në një skandal me biletat e Botërorit.
Pretendohet se në vitin 2013 ai ka kërkuar ndihmën e Nasser Al-Khelaifi për të blerë një vilë në Sardenjë, Itali. Presidenti i PSG ia kishte dalë përmes “marifeteve” ta blinte shtëpinë dhe më pas ajo të kalonte në pronësinë e Valcke.
Ata e konsideronin një marrëveshje private dhe që nuk ka lidhje me favorizimin e mundshëm për të drejtat televizive të Botërorit 2014. Prokurori kishte kërkuar 28 muaj burg për Nasser Al-Khelaifi dhe tre vite për Jerome Valcke.
Discussion about this post