Prokuroria e Posaçme SPAK kërkoi 63 vite burg në total për anëtarë të grupit kriminal të ashtuquajtur Habilaj. Ata akuzohen për trafik e kultivim narkotikësh në kuadër të grupit kriminal.
Konkretisht SPAK kërkoi për Moisi Habilajn, 18 vite burg, Nezar Seiti 15 vite burg, Meridian Sulaj 15 vite burg dhe Fatmir Minaj 15 vite burg.
Në dokumentin e SPAK rezulton se Moisi Habilaj dhe anëtarët e tjerë të bandës janë dënuar për disa vepra të rënda penale, për të cilat SPAK kërkon dënimin me 63 vite burg në total.
Gjithashtu, SPAK thekson se të katër të pandehurit e grupit, përkatësisht Moisi Habilaj, Nazer Seiti, Maridian Sulaj dhe Fatmir Minaj duhet ta vuajnë dënimin në një burg të sigurisë së lartë.
