Prokuroria ka kërkuar “arrest me burg” për izraelitin Rafael Genish, i cili operonte në Shqipëri me anë të një kompanie “Forex”, duke mashtruar shtetas gjermanë, francezë dhe anglezë. Përmes mashtrimeve me anë të telefonatave, të cilat kryheshin nga Shqipëria, shtetasve europian iu është marrë një shumë e konsiderueshme parash.
Ndërkohë shtetasi izraelit akuzohet dhe për pastrim parash, teksa mësohet se policia e ka mbajtur nën hetim prej disa kohësh. Rafael Genish kishte 5 vite që operonte në mënyrë të paligjshme në Shqipëri duke marrë para nga shtetas të tjerë. Ky aktivitet u bë me dije para dy ditësh ku përmes një operacioni policia njoftoi se ka arrestuar 35 persona, të punësuar në Call-Center, të cilët dyshohet se kryenin telefonatat dhe mashtronin persona të ndryshëm. Masa e sigurisë për të arrestuarit dhe për shtetasin izraelit është njoftuar se do të jepet ditën e nesërme.
Discussion about this post