Konstantinos Katsifas është personi i cili mbeti i vrarë në 28 tetor 2018, gjatë një shkëmbimi me armë me forcat Renea, në Gjirokastër.
Tashmë, 3 vjet pas asaj ngjarje, mediat greke kanë zbuluar të tjera detaje në lidhje me hetimet e prokurorisë . Ka qenë “Ant1” ajo e cila deklaron nga burimet, se hetimet janë mbyllur e sipas hetuesve Katsifas kreu vetëvrasje.
“Seanca për të përfunduar hetimin u mbajt nga gjyqtarja Suela Daçi. Në këtë proces ishin të pranishëm edhe familjarët e viktimës, të cilët kërkuan të informoheshin për aktet hetimore, pra ekspertimin mjeko -ligjor dhe balistikën e armës.
Sipas ligjit, anëtarët e familjes kanë të drejtë të kërkojnë rishikimin e pretendimeve të Prokurorisë. U deshën tre vjet që autoritetet shqiptare të vendosnin fshehurazi se vrasja e Katsifas nuk ndodhi kurrë.”, shkruan media greke.
Kujtojmë këtu që në lidhje me ngjarjen pati shumë reagime dhe nga vendi fqinj, duke shkaktuar shumë tensione.
