Sektori i dekriminalizimit në Prokurorinë e Përgjithshme ka përfunduar procesin e verifikimit për ish-kreun e PSD, Tom Doshin, për t’ia përcjellë më pas gjetjet Komisionit Qendror të Zgjedhjeve.
Tani i mbetet KQZ-së të shqyrtojë nëse janë evidentuar të dhëna që përfshihen në sferën e kufizimeve të ligjit “Për garantimin e integritetit të personave që zgjidhen, emërohen ose ushtrojnë funksione publike”, dhe në vijim të vlerësojë nëse ato janë brenda periudhës së ndalimit të përcaktuar në po këtij ligji.
Kreu i KQZ-së Ilirjan Celibashi, asokohe shpjegoi se “në rastin e Doshi KQZ ka marrë shtysën nga të dhëna publike, që e nxitin t’i kërkojë prokurorisë informacione të tjera, veç atyre që ai ka dhënë në formularin e vetëdeklarimit, për të bërë vlerësim më të plotë mbi përputhshmërinë e kandidimit të tij për deputet. Por edhe në formularin e vetëdeklarimit ka të dhëna që shërbejnë si indicie për KQZ-në, për të kërkuar hetim të thelluar për kandidatin” – tha Celibashi.
Për rastin “Doshi” prokuroria mori të dhëna dhe nga ambasada amerikane, për shkak të shpalljes së tij dhe familjes “non grata” nga SHBA. Pas këtyre ngjarjeve, Tom Doshi dha dorëheqjen nga kreu i PSD dhe nuk kandidoi në zgjedhjet e 25 prillit.
Discussion about this post