Gjykata e Apelit të Tiranës ka lënë në fuqi vendimin e shkallës së parë për grupin prej 18 punonjësish të burgut të Fierit, të cilët u arrestuan nga Shërbimi i Brendshëm i Burgjeve për shpërdorim detyre. Vendimi ishte ankimuar nga prokuroria.
Gardianët dhe punonjësit e burgut të Fierit të arrestuar nga Shërbimi i Brendshëm i Burgjeve akuzohet se kanë falsifikuar dosjet e të dënuarve, duke i ndihmuar ata të përfitojnë padrejtësisht ulje dënimi, apo edhe lirim me kusht. Një tjetër abuzim është gjetur në farmacinë e burgut, ku janë evidentuar ilaçe të skaduara ndërkohë që disa prej tyre dyshohet se janë përdorur. Po kështu dyqani brenda burgut është lejuar të punojë pa matës dritash.
Gjykata e Tiranës i liroi në masën e sigurisë “detyrim paraqitje”. Ndaj tyre ishte caktuar masë “arrest shtëpie” në mungesë për akuzat e falsifikimit të dokumenteve dhe shpërdorim detyre.
Por ç’ka ndodhur në burgun e Fierit?
18 punonjës dhe ish-punonjës të Burgut të Fierit akuzohen për vepra të ndryshme penale të zbuluara gjatë një hetimi disa mujor, të nisur që nga muaji maj në bashkëpunim me Prokurorinë e Tiranës dhe SHKB-në e Burgjeve. Të ndaluarit mbajnë postet e përgjegjësve të një sërë sektorëve në burgje, si ai i shëndetësisë, ligjor, i kujdesit social apo burimeve njerëzore. Të gjithë, në bashkëpunim me njëri-tjetrin, ata akuzohen për vepra të ndryshme penale, kryesisht falsifikime në favor të uljes së dënimeve të të burgosurve, duke i liruar para kohës së caktuar për të vuajtur dënimin e tyre.
Shkeljet e gjetura: -19 raste vlerësime sjellje për ulje dënimi janë pasqyruar fakte dhe rrethana të rreme në lidhje me procesin e rehabilitimit e të dënuarve; -6 raste vlerësim sjellje për lirim me kusht janë pasqyruar fakte dhe rrethana të rreme në lidhje me procesin e rehabilitimit e të dënuarve; -28 të dënuarve ju janë dhënë ditë pune në mënyrë fiktive nga IEVP Fier, nëpërmjet falcifikimit të dokumenteve ose shpërdorimit të detyrës e kryer nga punonjës të IEVP Fier: -1 rast i të dënuarit që ka përfituar amnisti, për të cilën nuk ka asnjë dokument referues për dhënien e amnistisë.
Discussion about this post