Prokuroria Speciale në bashkëpunim me Policinë e Kosovës kanë arrestuar personin M.D., për shkak të dyshimit të bazuar mirë se ka kryer veprën penale – Krime kundër njerëzimit.
Prokuroria njofton se ndaj të njëjtit, në afatet e parapara ligjore do të ushtrojë kërkesë për caktimin e paraburgimit.
“Prokuroria Speciale e Kosovës në bashkëpunim me Policinë e Kosovës, respektivisht, Drejtorinë Kundër Terrorizmit, me autorizim të Prokurorit Special të Republikës së Kosovës, ka ndërmarrë një operacion për arrestimin e personit M.D., për shkak të dyshimit të bazuar mirë se ka kryer veprën penale – Krime kundër njerëzimit, nga neni 143, paragrafi 1, nënparagrafi 1.3 dhe 1.7 të Kodit Penal të Kosovës. Arrestimi është bërë sot, më 23 qershor 2023, me urdhëresë të Prokurorisë Speciale të Republikës së Kosovës. Ndaj të njëjtit, PSRK-ja, në afatet e parapara ligjore do të ushtrojë kërkesë për caktimin e paraburgimit”, thuhet në njoftimin e Prokurorisë Speciale.
Discussion about this post