Eduard Curraj, pronari i kompanisë “Deltapharma” ka dëshmuar në Strukturën e Posaçme kundër Korrupsionit dhe Krimit të Organizuar për më shumë se 4 orë.
Biznesmeni Curraj është shfaqur i vetëm. Pasi ka dhënë dëshminë e tij në SPAK, Curraj është shprehur për “Ora News” se ka dhënë shpjegime për një çështje. Por ka shtuar se ngjarja nuk ka lidhje me personin nën hetim, ish-ministrin e Shëndetësisë, Ilir Beqaj.
Në dhjetor të vitit 2023 një nga kompanitë farmaceutike “Delta Pharma” e lidhur ngushtësisht me Adriana Beqaj, bashkëshorten e ish-ministrit të Shëndetësisë, Ilir Beqaj, është bërë objekt i kontrollit të imtësishëm nga oficerë të Byrosë Kombëtare të Hetimit dhe SPAK.
“Delta Pharma-Al” është një shoqëri farmaceutike e themeluar në vitin 2006 nga Tahir Sadiku, Dorian Sadiku, Eduart Curraj.
Me kalimin e kohës, Eduart Curraj mbeti aksioneri i vetëm i kësaj shoqërie farmaceutike.
Lexo edhe:
Hetimi i SPAK: Si i përlau fondet e BE-së restoranti i lidhur me Ilir Beqjen
Discussion about this post