Zhdukja dhe më pas vrasja e biznesmenit shqiptar, Xhani Topalli, 46-vjeçar ka tronditur banorët e ishullit grek, Rodos.
Sipas mediave greke, autori i krimit, një hotelier 53-vjeçar ka rrëfyer edhe krimin. Ata kishin pasur një takim sa i takon një borxhi që autori i kishte viktimës.
Hetuesit kanë zbuluar se vrasja është bërë me litar ndërsa 53-vjeçari ka pasur bashkëpunëtor në krim ka pasur edhe djalin e tij.
Ky i fundit e ka ndihmuar të transportonte trupin e viktimës pas vrasjes.
Biznesmeni shqiptar rezultonte i zhdukur që nga mbrëmja e datës 28 gusht. Ai u pa në një kamerë sigurie në një kioskë në orën 22:28 të së dielës duke blerë cigare teksa debatonte me një person të panjohur.
46-vjeçari po përpiqej të mblidhte borxhet që i kishin biznesmenë të ndryshëm. Autori kishte pasur një takim me të por në fillim u tha autoriteteve se ai ishte anuluar.
Por hetuesit siguruan prova nga pamjet e sigurisë në një objekt ngjitur me hotelin në pronësi të tij dhe autori u vu në pranga.
Discussion about this post