Banorët që preken nga shpronësimet e Unazës së Madhe kanë dalë sot në protestë.
Ata u shprehën të revoltuar për situatën dhe kërkojnë zgjidhje. Një prej banorëve deklaroi se pronën e ka ndërtuar me gjak e sot është pa shtëpi.
“Si thotë edhe Bledi dua t’i them kryetarit të bashkisë, asnjë banor në Shqipëri nuk ka disa vila, kemi një shtëpi hera e fundit që ta them, do të jetë kur të vish te shtëpia ime, jam shumë dakord me projekte por bëji marrëveshjet sic duhet ajo që kam parë nuk është marrëveshje, por një copë paçavure sepse me dy vjet bonus qiraje nuk pashë të shkruar se kur do ta marr shtëpinë. Eja Veliaj diskuto me banorët dhe na jep zgjidhje dhe mos shkruaj te kontrata se në cilën datë apo orë dhe mos na sillni shkresa për të na nxjerrë për tre ditë se nuk kemi se ku shkojmë.
Unë i them Veliajt hajde se me këtë pagesë unë do të dal kur të duash nëse vjen me gjen një shtëpi në tre dhoma ma gjen me 250 mijë lekë, unë nuk e dua atë kontratë, do të vë bast publik me ty nëse ma gjen me 250 mijë lekë unë nuk dua as qira as shtëpi, unë kam 30 vite këtu zoti kryeministër se po më coni 30 vite mbrapsht, paguaj taksa rregullisht që ta kujtoj zoti kryeministër në 2006 nuk na jepnit një certifikatë por ku erdhët ju e kaluat sot më thua je pa shpi. Shko gjeje korrupsionin dhe na jep paret e pronat se nuk jemi pa prona, s’dua të bëjmë si ata në Shkozë, por nëse më prish shtëpinë më ke prish jetën dhe familjen. Ju jeni shteti po mua aty do më keni, shteti të vret të burgos ne dalim në protestë me mbrojt shpitë dhe na thërret prokuroria se mbroni shtëpitë. Kurse të tjerë me 21 janar nuk përgjigjet njeri, kështu që merrni masa se duam zgjidhje dhe mos na fusni në konflikt me policisë, pronat i kemi ndërtuar më djersë” tha qytetari.
Discussion about this post