Pronat/ KLSH zbarkon në Kadastër, hetim problemeve të sistemit online

Një grup nga Kontrolli i Lartë i Shtetit ka mbërritur në institucionin e Kadastrës për të audituar në vend problematikën e adresuar nga mediat.

Duke marrë masa të menjëhershme për të hetuar dhe korrigjuar problemet në sistemin e shërbimeve online në zyrat e regjistrimit të pasurive të paluajtshme, KLSH e vlerëson si emergjencë shqetësimin e ngritur nga mediat mbi problemet në sistemin e shërbimeve online në zyrat e regjistrimit të pasurive të paluajtshme.

Së fundi, drejtoresha e Agjencisë Shtetërore të Kadastrës, Dallëndyshe Bici ka deklaruar se institucioni është në sulme të vazhdueshme.