Kasëm Mahmutaj, deputeti i Partisë Demokratike ka reaguar pas urdhrit nga GJKKO që u dha sot për të konfiskuar pronat e tij. Ai shprehet se procesi gjyqësor për paraqitjen e bilancit të të ardhurave po vijon, duke mohuar se ekziston parregullsi në deklarimin e pasurisë së tij.
“Procesi vazhdon. Asgjë nuk është mbyllur. Vendimi është i shkallës së parë, jemi në Apel. Ne i kemi të gjitha “OK”-ej. Po vazhdon procesi gjyqësor për paraqitjen e bilanceve dhe të ardhurave. Pra nuk është mbyllur asgjë. Jam ndjerë keq që kur ka filluar kjo procedurë. Jam jashtëzakonisht i shqetësuar. Ç’lidhje kam unë me vëllanë? Unë i kam krijuar nga puna ime, sakrifica ime, ime shoqe, familja komplet. Shpresoj mos të ketë prapavijë politike”, ka deklaruar ai.
Pasuritë u konfiskuan me kërkesë të SPAK pasi Kasëmi është vëllai i Gazmend Mahmutaj, subjekt i OFL-së. Me dyshimin se pasuritë e kanë prejardhjen nga aktiviteti kriminal gjykata e Posaçme ka konfiskuar në total 22 pasuri, që janë në pronësi të Gazmend Mahmutaj, familjarëve apo lidhjeve miqësore e shoqërore të këtij subjekti.
Referuar vendimit të gjykatës tre vëllezërve, Mahmutaj i janë sekuestruar një pallat, apartamente automjete dhe disa ndërtesa të cilat janë në proces legalizimi. Pasuritë janë në emër të vëllezërve Gazmend, Behar dhe Kasëm Mahmutaj.
Operacioni Forca e Ligjit i dërgoi formularin për deklarimin mbi burimin e të ardhurave Mahmutajt më 18 shkurt të vitit 2020. Ai njihet si person me precendent kriminal. Mahmutaj është dënuar rezulton i dënuar me 25 vite burg për trafik droge dhe shfrytëzim prostitucioni në Itali.
Discussion about this post