Propaganda mediatike është mekanizmi që mban gjallë qeverinë Rama dhe kjo nuk është diçka e re. Për partinë në pushtet, historia ka treguar se herët ose vonë propaganda ka rezultuar gjithmonë dështim. Rast konkret është Pakti për Universitetin, ku disa studentë kanë bërë një kërkesë te Rektorati i Tiranës pasi prej më shumë se 4 muajsh ata nuk kanë marrë ende asnjë qindarkë që u takon nga fondi i bursës.
Në letrën e Bordit Kombëtar Studentor drejtuar Rektoratit thuhet se 85% e studentëve, përfitues të bursave nuk kanë marre ende asnjë shumë monetare për mundin dhe sakrificën e tyre për të qenë profesionistët e të ardhmes.
Në letër thuhet se ky fond është një mbështetje për ata që të punojnë fort, dhe të vazhdojnë me rezultate të shkëlqyera. Ata po ashtu u kanë lënë afat për kalimin e këtyre fondeve deri me datë 23 shkurt ose në të kundërt do të rinisin protestat.
Discussion about this post