Mediat kosovare i kanë vënë Albin Kurtiti pseudonimin “Albin Gërvalla” , kjo për shkak se ditën e sotme ka ngatërruar efektin Besart Ahmeti me një koleg të tijin, duke bërë kështu një gafë të madhe njësoj si ministrja Donika Gërvalla, që shquhet për gafa të tilla. Gërvalla ngatërrroi flamurin e NATO me të OKB, ndërsa Kurti sot dy personalietet të ndryshme.
Në një postim në Instagram, Kurti bëri me dije se kishte pritur në zyrë Ahmetin, shefin e Njësisë Speciale Operative për të cilin shkruante se ishte i njëjti person që e kishte prangosur para 16 viteve, kur Kreu i Qeverisë zhvillonte protesta me Lëvizjes Vetëvendosje.
Por, mediat e Kosovës kanë zbuluar gabimin e Kurtit dhe sipas tyre, personi që e ka prangosur Kurtin nuk ka qenë Ahmeti, por një koleg i tiji, Fatlum Shaqiri, i cili është pjesëtarë i njësitit elitë të policisë së Kosovës.
Gjithsesi, mediat e Kosovës shkruajnë se kryeministri është i saktë kur i përmend negociatat që bëri Besart Ahmeti në Bërnjak, pas situatës së tensionuar në Veri të Kosovës. Besart Ahmeti, pati negociata të shtunën e 2 tetorit edhe me pjesëtarët e KFOR-it. Kryepolici nuk pranonte tërheqjen e specialëve pa e bërë këtë fillimisht protestuesit serbë që bllokuan pikat kufitare për 13 ditë, si kundërshti e vendimit për reciprocitetin e targave të makinave.
