Deputeti demokrat, Edi Paloka, njëkohësisht anëtar i Komisionit të Rithemelimit, ka reaguar pasi Enkelejd Alibeaj publikoi platformën e tij për zgjedhjen e Presidentit të ri, duke e konsideruar si lojë të turpshme.
Paloka akuzon Alibeajn se po përdoret nga kryeministrit Rama për Presidentin e ri, ndërsa shton se në fund kandidati i Ramës do të dalë nga goja e Alibeajt.
“Nga zarfet e grupit të PS tek “zarfet” e grupit Alibeu. Propozimet e Ramës shiten si kritere të “opozitës” ! Loja e turpshme për të paraqitur Presidentin e Ramës si President konsensual, zhvillohet përpara syve të publikut e në mënyrën më të trashë. Rama bën sikur mbledh mendimet e deputetëve të PS me zarf, Alibeu bën sikur mbledh mendimet e deputetëve të tij me e-mail. Në finale, kandidati i Ramës do dalë nga goja e L.B, E.A … Nuk e di nëse ata deputetë (të zgjedhur me votat e demokratëve) që vazhdojnë ndjekin këtë rrugë, janë thjeshtë viktima naive që po përdoren apo janë me vullnet të plotë në këtë lojë ?! Përgjegjësia është e tyre”, shkruan Paloka.
Discussion about this post