Propozimi francez shkakton sërish debate në Kuvendin e Maqedonisë së Veriut, ndërsa opozita maqedonase ka vazhduar edhe sot sikurse edhe dje me brohoritje e vuvuzela gjatë fjalimit të deputetëve të mazhorancës.
Edhe sot vërehen pankarta në duart e deputetëve opozitarë “Stop Bullgarizmit”, “Gjuha është Identiteti”, “Ultimatum Jo Faleminderit”, “Popoulli thotë Jo Vetëdijësohuni” e kështu me radhë.
Ndryshe edhe sot në seancën plenare pika e vetme e rendit të ditës është diskutimi rreth propozimit francez.
Nëse Maqedonia e Veriut pranon propozimin francez, do të duhet të nënshkruhet edhe protokolli dypalësh me Bullgarinë, ndërsa kërkohet që bullgarët të përfshihen në Kushtetutë pas konferencës së parë ndërqeveritare dhe hapjes zyrtare të negociatave, por para hapjes së klasterit të parë.
Discussion about this post