Pren Bushaj, banues në Ishëm, Durrës është arrestuar nga policia pasi akuzohet, për veprat penale “Shfrytëzimi i prostitucionit”, dhe “Mbajtja e lokaleve për prostitucion”.
I arrestuari ishte dënuar me 2 vite burgim, nga Gjykata e Apelit në Durrës.
Një rast i ngjashëm është raportuar disa ditë më parë, pasi policia e Fierit ka arrestuar një 61-vjeçar me inicialet A.M, pasi kishte përshtatur banesën e tij për prostitucion. Gjithashtu është proceduar edhe 35-vjeçarja me akuzën e ushtrimit te prostitucionit dhe një person tjetër me inicialet F.Xh, të cilët u kapën në flagrancë në banesën e 61-vjeçarit, e cila ishte në lagjen “Apollonia”, Fier.
Sipas policisë, arrestimi erdhi pas finalizimit te operacionit të koduar “Çarli”, për veprat penale “Shfrytëzimi i prostitucionit” dhe “Përshtatja e ambienteve për prostitucion”, me precedent të mëparshëm penal.
Nga ana tjetër mësohet se do të procedohen penalisht në gjendje të lirë 2 personat e tjerë.
Së fundmi, materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
Discussion about this post