Policia e Tiranës ka goditur një skemë të shfrytëzimit të prostitucionit në kryeqytet, ku janë arrestuar tre persona.
Mësohet se, shërbimet e policisë në bazë të në bazë të provave të grumbulluara, pas një hetimi disamujor, kanë goditur një rast të shfrytëzimit për prostitucion dhe përshtatjes së ambienteve për prostitucion, si rezultat i të cilit u arrestua A.(Z.) T, 61 vjeç, i cili u kap në flagrancë, pasi kishte çuar një shtetase në një hotel, për të ushtruar prostitucion.
Gjithashtu, A.(Z.) T. përdorte lokalin në pronësi të tij si pikë takimi për të ndërmjetësuar mes personave të ndryshëm për aktivitetin e prostitucionit, ku merrte një pjesë të fitimit nga femrat që e ushtronin këtë veprimtari dhe nga klientët e angazhuar në këtë veprimtari të kundërligjshme.
Në vijim të operacionit u arrestuan në flagrancë për veprën penale “Prostitucioni”, Q. A., 66 vjeç (klient) dhe për veprën penale “Moskallëzim i krimit”, Gj. P., 61 vjeç.
Policia po punon për identifikimin e bashkëpunëtorëve të tjerë të përfshirë në këtë veprimtari kriminale.
