Kryeministri Edi Rama ka publikuar në rrjetet sociale disa profile, të cilat i cilëson si të rreme, duke pretenduar se ato janë të angazhuara në publikimin e komenteve fyese dhe sulmeve të koordinuara ndaj tij.
Në postimin e tij, Rama ka shpërndarë disa komente me përmbajtje ofenduese dhe sulme personale, të cilat, sipas tij, janë publikuar nga profile false. Një pjesë e komenteve lidhen edhe me ditëlindjen e kryeministrit.
Kreu i qeverisë pretendon se këto sulme janë pjesë e një fushate të organizuar nga “Lindja”, pa përmendur drejtpërdrejt një shtet të caktuar, por duke lënë të kuptohet se bëhet fjalë për aktorë të huaj që, sipas tij, nuk janë miqësorë ndaj Shqipërisë.
Rama paralajmëroi gjithashtu se në vijim do të publikojë, sipas tij, prova që mbështesin pretendimet për organizimin e asaj që e cilëson si një fushatë të koordinuar të gjuhës së urrejtjes në rrjet.
“Çorba e sorrave, korbave dhe kuzhinierëve nga Lindja, ku prodhohet shumica e helmit të urrejtjes digjitale (së shpejti edhe provat)”, shkroi Rama në profilin e tij në Facebook.
Deri më tani, kryeministri nuk ka bërë publike prova që mbështesin këto pretendime.
gijotina.com/
Discussion about this post