I riu me aftësi të kufizuara në protestë: Propaganda e Ramës ka rënë, i ka ardhur fundi! Hapeni krahun… qelbësira

Një i ri me aftësi të kufizuara preku me fjalimin e tij nga sheshi i protestës kombëtare në ditën e 63-të para kryeministrisë.

Ai vuri në dukje se kjo qeveri kishte braktisur të gjitha shtresat në nevojë, teksa është ndër më të korruptuarat.

Ai denoncoi edhe kreun e grupit të PS, taulant Balla, duke bërë krahasim me shtresat e varfra të shoqërisë që vuajnë për punë, pensione dhe ilaçe.

“Taulant Balla është mësuar të numërojë miliona euro në bagazhet e makinave “Toyota”. A ka ndërtuar shtet social ky shtet, zero. Shikoni se çfarë ka bërë për pensionet e personave e aftësi të kufizuar, apo pensionet e prindërve tanë, zero, asgjë. Po shohim ngjarje tronditëse çdo ditë, po shohim se si gazetari Osman Stafa denoncon skandale me miliona euro, përditë shohim raste të nënave që zvarriten në shëndetësi, sepse ata u vështirësojnë jetën, duan t’i përzënë shqiptarët që të vjedhin”, tha ai mes të tjerash.

Më tej i riu kujtoi se kjo qeveri kishte ngulur thikën në palcën e shqiptarëve, kurse kulla e propagandës së Edi Ramës kishte rënë.

Ai tha se ata janë sorrat, qelbësirat, hajdutët që duhet të hapnin krahun e të largoheshin.

“E kanë ngulur thellë thikën, mjafton ta shohin kur ta heqin nga palca se çfarë kanë bërë, shikojeni thikën në palcë se po ju dhemb, largohuni nga propaganda. Edi Ramës i kanë rënë magjitë dhe kulla e tij e propagandës. Qelbësirat janë ata, sorrat janë ata, nuk jemi ne. Hapni krahun, jeni hajdutë, jeni qelbësira, maskarenj, hapni krahun, ju ka ardhur fundi. Vetëm patronazhistët ju mbrojnë, vetëm maskarenjtë ju mbrojnë, hapni krahun qelbësira”, u shpreh ai.