Profesori Lush Susaj ka përcjellë një mesazh për prindërit dhe mësuesit, në prag të nisjes së vitit të ri shkollor. Ai u ka bërë thirrje prindërve të reflektojnë mbi situatën ekonomike të familjeve dhe të fëmijëve, duke e lidhur atë me zgjedhjet e tyre politike ndër vite.
Ndërkohë, ai u ka bërë thirrje mësuesve që të kenë parasysh gjendjen ekonomike të nxënësve dhe t’u mësojnë atyre reagimin dhe atdhedashurinë.
“Thirrje mësuesve të përpiqen të vlerësojnë situatën ekonomike të fëmijëve. T’u mësojnë reagimin, patriotizmin, atdhetarinë dhe kurrë heshtjen e gojëkyçjen”, tha ai.
Ndersa aktivisti Arben Kola ka njoftuar ndryshimin e orarit të protestës kundër qeverisë, duke bërë me dije se duke nisur nga dita e nesërme grumbullimi në sheshin “Skënderbej” do të nisë në orën 18:30.
Ai u shprehu një falënderim të veçantë shqiptarëve të diasporës, duke i ftuar që t’i bashkohen protestës dhe të kthehen në Shqipëri.
“Është shumë e rëndësishme të ktheheni, ndryshe do lini nipat e mbesat pa Atdhe. Sot është koha, do të jetë vonë nesër”, tha aktivisti.
Discussion about this post