Në ditën e 109-të të protestës, ish-luftëtari i UÇK, Dritan Goxhaj mbajti një fjalim shumë të fortë, pikërisht pas vendimit të turpshëm të Hagës për të dënuar Thaçin, Krasniqin, Selimin dhe Veselin.
Goxhaj tha se vendimi është krejtësisht i padrejtë dhe se këtu kemi të bëjmë me teatër. Gjithashtu, ai u tregua i ashpër edhe me kryeministrin Rama.
“Të dashur bashkëqytetar. Sot do lexoj një deklaratë të grupit të përgjithsëm kordinues. Sot një ditë e zezë për lirinë. Sot në Hagë u dhanë dënime të rënda për katër ish-pjesëtarë të UÇK. Ne nuk po flasim për drejtësi, por për padrejtësi. Po flasim për një gjykatë që nuk ka asgjë të përbashkët me gjykata e tjera.
Ato u bazuan në dëshmi të rreme. Ne jemi të qartë, kjo nuk është drejtësi po teatër. I akuzuari nuk kishte mbrojtjen e duhur. Kjo nuk është drejtësi, por padrejtësi e organizuar.
Kjo padrejtësi po vjen nga Europa, që në 1913 copëtoi Shqipërinë. Kosova iu dha Serbisë. Stabiliteti në Ballkan nuk përdoret më si pretekst. UÇK nuk ishte lëvizje terroriste, por përgjigje kundër shtetit gjenocidial serb. Djemtë e Kosovës, u ngritën, u bashkuan dhe luftuan. Liria nuk jepet, por fitohet. Ata sakrifikuan, ranë dëshmorë. Sot Haga po mundohet ta kthejë këtë fitore në krim. Kjo është fyerje. Historia nuk mbaron këtu. Gjithçka vijon me këtë kryeministër që i kërkojmë dorëheqjen. Neë 2015-tën, Edi Rama hypi në helikoper dhe shkoi në Kosovë për të ushtruar presion mbi deputetët në Kosovë që të krijonin këtë gjykatë. Ai iu tha deputetëve shqiptatë që kjo ishte kërkesa e aleatëve. Sot i njëjti person shkruan në rrjetet sociale, “marre”. Ai duhet të ketë turp për atë që thotë dhe bën, ai u thotë marre atyre deputetëve që i shtyu për të votuar. Turpi i vërtetë je ti. Rama nuk është spectator, por arkitekt. Ata mund të bëjnë sikur kanë fituar, por e vërteta është se Kosova është e lirë, pasi UÇK luftoi. Kosova është e lirë pasi luftuam. NATO luftoi, pasi lufta e UÇK është e drejtë. Kërkesa për dorëheqjen e Ramës është normale, ai nuk mund të dalë të kërkojë drejtësinë e tyre, e shiti Kosovën në vitin 2015. Tani kërkon ta besojmë, por jo. Rama nuk është zgjidhja por pjesë e problemit”.
Protesta përpara Kryeministrisë është shoqëruar me fjalime me tone të ashpra dhe akuza të drejtpërdrejta ndaj kreut të ekzekutivit Edi Rama, pas shpalljes së verdiktit të Gjykatës Speciale të Hagës kundër krerëve të Ushtrisë Çlirimtare të Kosovës.
Gjatë fjalës së mbajtur përpara godinës së qeverisë, një nga protestuesit nxori në pah paanshmërinë e deformuar të drejtësisë ndërkombëtare, e cila kursen udhëheqjen e Beogradit dhe dënon mbrojtësit e kombit. “Nuk janë dënuar thjesht 4 pjesëtarë të UÇK-së, por çdo shqiptar. Nga rrënjët më të thella të historisë toka jonë, populli ynë, është luftuar vazhdimisht edhe pse ne asnjëherë nuk kemi sulmuar asnjë shtet tjetër! Por ne gjithmonë kemi qenë të sulmuarit dhe fatkeqësisht, në vend të dënohej presidenti serb, ish-shërbëtori i Millosheviçit, dënohen njerëzit që vendosën jetën e tyre për të mbrojtur interesat e kombit në luftën më të drejtë të këtij populli!”, deklaroi ai.
Më tej, fjalimi vuri theksin te rreziku i harresës historike dhe dështimi i Tiranës zyrtare për të ndërtuar një front të përbashkët ndërshtetëror me Prishtinën, duke artikuluar rritjen e ndërgjegjësimit kombëtar përballë indiferencës ndërkombëtare. “Kjo është ngjarje që na thërret se lufta nuk ka shkuar larg, ka pak vite që ka ndodhur dhe nuk duhet ta harrojmë sepse nëse harrojmë historinë ajo përsëritet! Kryeministrin tonë e kemi parë me përplasjet që ka pasur me qeveritarët e Republikës së Kosovës! Ne si popull kemi mësuar se nga vështirësitë ngrihemi më të fortë dhe tashmë kërkesa për Shqipëri Etnike, kur Europa nuk pyet për kombin tonë, është më e madhe se kurrë!”, nënvizoi protestuesi.
Discussion about this post