Këtë të shtunë mbahet protesta e 112-të para Kryeministrisë. Qytetarët i kanë kërkesat e qarta, teksa duan largimin e Ramës dhe qeverisë. Para kryeministrisë, një qytetar pati një mesazh për të gjithë shqiptarët.
“Kurrë nuk e kisha menduar t’iu përshendesja sërish në këtë shesh. Ju jeni lavdia e këtij kombi. Ju protestuat në sheshin e lirisë, një nga protestat më madhështore në histori. Sot kam nder e lavdi që në emrin tuaj t’u tregoj të gjithëve. Vetëm bashkimi na dërgon te fitorja. Ne t’i japim goditjen përfundimtare, ata na kanë marrë drejtësinë dhe Shqipërinë. Bashkohuni që mos pendohemi nesër. Rama asnjëherë nuk na përçan. Jep dorëheqjen dhe hapi rrugë Shqipërisë së re”.
Aktivisti Mirjan Aliaj tha se revolta nuk do ndalet. Ai e vlerësoi protestën si “zjarrin” që duhet të qëndrojë për ta përmbysur këtë pushtet.
“Janë 112 ditët më të këqija me të cilat Rama po përballet. Rama mendoi se duke sheshuar opozitën duke vënë nën kontroll çdo pushtet, ai nuk do të kishte kundërshtar dhe do sundonte i qetë. Por Rama harroi se në Republikën e Shqipërisë dhe çdo republikë tjetër, sovrani ta jep legjitimiteti dhe sovrani ta heq legjitimitet. Për 112 ditë sovrani ia ka hequr legjitimitetin kësaj qeverie. Por Edi Rama nuk e respekton popullin. Kjo qeveri mbështet mbi një strukturë patronazhimi, i shërben krimit të organizuar dhe jo qytetarit”, tha ai.
gijotina.com/
Discussion about this post