“Nëse dhunohemi 100 herë, do dalim në shesh 1000 herë”, studenti: Dhunë barbare ndaj rinisë

Studenti Aurel Kujtimi, në një lidhje live në emisionin Prime News24 komentoi protestën e studentëve dhe qytetarëve shqiptarë kundër qeverisë.

Studenti thekson se në vendin tonë nuk ka një të ardhme, duke shtuar se nëse 100 herë dhunohen, 1000 herë do dalin në shesh. Hodhi akuza të forta ndaj policisë, duke thënë se janë vandalë e barbarë, që dhunojnë rininë.

Ne po shohim vëllezërit dhe motrat tona që po rrihen për çdo ditë. Nëse po dhunohemi 100 herë, 1000 herë do dalim në shesh. Rinia e sheh se situata është shumë e rëndë, ka papunësi, keqqeverisje dhe paga të ulëta. Ky kryeministër duhet që të largohet.

Kjo është një qeveri krimi, nuk mendon për njerëzit. Studentët janë në situatë të rëndë, më 2018 e këtej asgjë nuk është bërë.

gijotina.com/