Protestuesit pranë bulevardit “Zogu I” u kanë hedhur molotovë disa automjeteve të policisë, duke e shoqëruar këtë moment me thirrje entuziaste.
Pas zhvendosjes te ‘Sheshi Skënderbej’ kanë vijuar me aktet vandale.
Ata i vendosën flakën një peme në mes të sheshit.
Nderkohe Ministria e Shëndetësisë ka bërë përditësimin në lidhje me të lënduarit gjatë protestës.
Në Spitalin Universitar të Traumës janë paraqitur në total 3 të lënduar, mes tyre edhe një efektiv policie.
Njoftimi i plotë:
Ministria e Shëndetësisë dhe Mirëqenies Sociale, sipas informacioneve paraprake nga strukturat spitalore informon se gjatë protestës së sotme:
Në Spitalin Universitar të Traumës janë paraqitur në total 3 të lënduar.
Aktualisht një protestues i shtruar, një protestues tjetër dhe një efektiv policie kanë marrë trajtimin e nevojshëm dhe kanë lënë spitalin.
Në Qendrën Spitalore Universitare “Nënë Tereza”, është paraqitur:
-1 efektiv policie, i cili po i nënshtrohet ekzaminimeve të nevojshme.
Discussion about this post