Protesta kundër qeverisë vijon edhe këtë të premte përpara godinës së Kryeministrisë në Tiranë, duke shënuar kështu ditën e 167-të të tubimeve të pandërprera kundër qeverisjes së kryeministrit Edi Rama.
Studentë dhe qytetarë janë mbledhur sërish në bulevardin “Dëshmorët e Kombit”, duke artikuluar si kërkesë kryesore dorëheqjen e menjëhershme të kreut të ekzekutivit. Tubimi i sotëm zhvillohet në kuadër të revoltës së përditshme, ku pjesëmarrësit kanë riafirmuar vendosmërinë e tyre për të refuzuar çdo formë dialogu me qeverinë.
Studentët këmbëngulin se nuk pranojnë negociata me Edi Ramën dhe kërkojnë largimin e tij të parevokueshëm nga detyra, duke paralajmëruar vijimin e qëndresës në shesh deri në plotësimin e plotë të kërkesave të tyre.
gijotina.com/
Discussion about this post