Lëvizja Vetëvendosje e Albin Kurtit në Kosovë ka marrë pjesë që në protestën fillestare të zhvilluar 15 ditë më parë në Tiranë kundër ndërtimit të resortit luksoz në Zvërnec, si dhe kundër kryeministrit Edi Rama.
Ndërsa ditët e para Vetëvendosja përfaqësonte me aktivistë, tani përfshirjen e saj në protestat për rrëzimin e Ramës e ka përforcuar me dërgimin e ish-kandidatëve të saj për deputetë.
Këtë na e tregoi prania e Hysamedin Ferrajt, ish-kandidat i Kurtit për deputet në Kosovë, i cili është parë në tubimet para Kryeministrisë, nën shoqërinë e kreut të Lëvizjes Bashkë, Arlind Qori.
Ende nuk është e qartë nëse Qorin dhe Ferrajn i bashkon e majta, dëshira për të rrëzuar Ramën nga pushteti, apo të dyja bashkë, por diçka duket se është e sigurt: Albin Kurti po mundohet të kontribuojë në qëllimin për largimin e Ramës nga qeverisja e vendit.
gijotina.com/
Discussion about this post