Dhjetëra qytetarë janë në protestën që po zhvillohet para kryeministrisë kundër rritjes së çmimeve. I pranishëm ka qenë edhe aktori Florjan Binaj i cili ka përcjellë mesazhe të forta ndaj qytetarëve duke i ftuar që të shkojnë në protestë.
Binaj në fjalën e tij, u ka kërkuar të rinjve që të marrin pjesë në protesta, pasi duke qenë së bashku, mund të fitojnë të drejtat që u takojnë.
“Nuk ulen çmimet duke pirë kafe, nuk ulen çmimet duke parë telenovelat turke, duke bërë buzët e duke blerë klikime në Instagram. U them të gjithë të rinjve dhe të rejave, nuk është instagrami atdheu juaj, është Shqipëria, hajdeni këtu. Po ju them vetëm kaq, shqiptarët rrëzuan diktaturën gjithë kur u bën gjithë bashkë, kështu po të çohemi të gjithë mund të marrim atë që na takon si qytetarë. Ndërkohë që ne protestojmë këtu liderin e ballë-kazanit e kemi në Dubai”, ka bërë thirrje Binaj.
Binaj në dorë mbante dhe një pankartë ku krahasonte fjalët e Lulzim Bashës dhe të Edi Ramës.
Discussion about this post