Ditën e sotme do të zhvillohet protesta e 18-të rradhazi në Tiranë. Ndryshe nga ditë e tjera, protesta do të nis në orën 19:00, për shkak të temperaturave të larta.
Qindra mijëra qytetarë priten të mblidhen fillimisht në sheshin “Skëndërbej” dhe më pas të nisin marshimin e tyre drejt Kryeministrisë. Pas zhvendosjes pranë godinës qeveritare, protestuesit do të zhvillojnë fjalimet e tyre. Nën thirrjet “Rama jepe dorëheqjen” dhe “Nesër më shumë”, ata mbyllën dje ditën e 17-të të revoltës së tyre.
Përmes këtyre protestave ata kanë kërkuar anulimin e projektit të Zvërnecit dhe dorëheqjen e kryeministrit Edi Rama. Me pankarat në duar dhe flamuj kuqezi, ata kanë kërkuar ndryshim. Protesta ka bërë bashkë, fëmijë, të moshuar, studentë, profesionistë, aktivistë dhe emigrantë.
Revolta e tyre ka marrë jehonë kombëtare dhe ndërkombëtare, pasi është zhvendosur në çdo vend ku ka shqiptarë. Nën thirrjet “Rama jepe dorëheqjen” dhe “Nesër më shumë”, ata kanë qëndruar të vendosur në kërkesat e tyre. “Rama jepe dorëheqjen”, “Rama ik!”, “Ju erdhi fundi” dhe “Shqipëria është e jona”, këto janë disa nga thirrjet që kanë shoqëruar revoltën e tyre.
Discussion about this post