Nga protesta e zhvilluar një ditë më parë në të gjithë vendin, janë proceduar penalisht të paktën 84 persona, 6 janë arrestuar, ndërsa një tjetër është shpallur në kërkim. Mes të proceduarve mësohet se është edhe deputeti Edmod Spaho i cili doli në protesën e zhvilluar në Korçë.
Pra rreth 100 persona janë shoqëruar në komisariat për protesët e zhvilluar në 11 mars, kundër rritjes së çmimit të naftës dhe ushqimeve, ku pjesa më e madhe e tyre janë liruar më pas dhe po ndiqen penalisht në gjendje të lirë.
Ata akuzohen për veprat penale bllokim të rrugëe dhe kundërshtim të punëjsve të Policisë së Shtetit.
Nga protesta e zhvilluar në Tiranë të premtën, janë proceduar të paketën 22 qytetarët ndërsa 5 të tjerë janë arrestuar, të cilët bllokuan disa akse rruge në kryeqyetet.
Në Durrës janë vendosur nën hetim 24 persona, të cilët akuzohen për bllokim të rrugës te Stacioni i Trenit dhe te rrethrrotullimi i Shkozetit. 5 protestues të tjerë janë proceduar në Dibër, pasi bllokuan Rrugën e Arbrit për disa minuta.
Edhe në Lezhë ka patur të proceduar dhe arrestuar . Nga protesta e djeshme u vunë nën hetim 10 qytetarë lezhjanë dhe 1 tjetër u arrestua, pasi bllokuan rrugen në hyrje të qytetit. 10 të tjerë u proceduan në Korçë ndërsa 13 në Lushnje.
Discussion about this post