Partia Demokratike vijon punën për organizimin e protestës së 11 shkurtit që vjen si reagim ndaj shpërthimit në publik të skandalit të arrestimit nga autoritetet amerikane të ish-zyrtarit të lartë të FBI-së, Charles McGonigal, mik i kryeministrit shqiptar Edi Rama, i përfshirë dhe ky fundit në dosjen e korrupsionit nga oligarkë rusë të ish-agjentit federal.
Kështu, mbrëmjen e sotme, kreu i PD-së, Sali Berisha pritet të mbedhë në selinë blu grupet e punës për organizimin e protestës.
“Lideri i opozitës Sali Berisha mbledh sonte në 19:00 në selinë e PD grupet e punës për organizimin e protestës së 11 Shkurtit”, thuhet në njoftimin e PD-së.
Gjatë ditës së djeshme kryedemokrati Berisha mblodhi në seli krerët e degëve, të cilët i porositi të mobilizojnë popullin opozitar në betejën kundër regjimit. Berisha deklaroi se protesta e 11 shkurtit nuk do të jetë e vetmja, duke paralajmëruar protestë dhe revoltë para parlamentit në çdo kohë.
Ai foli edhe përpjekjet e Ramës për ta ndaluar PD që të hyjë në zgjedhje, duke theksuar se në 14 maj demokratët do të garojnë me vulën, logon dhe flamurin e tyre.
Protestë të fuqishme dhe vendimtare e cilëson Berisha 11 shkurtin, ndërsa thekson se për të larguar Edi Ramën, demokratët do të përdorin të gjitha format e mosbindjes civile.
Berisha denoncoi edhe përpjekjet sipas tij primitive të Edi Ramës për të ndaluar PD që të hyjë në zgjedhje, ndërsa paralajmëroi se PD do të garojë në 14 maj, me vulën dhe logon e saj
Kryedemokrati u shpreh i bindur për suksesin e PD në zgjedhjet e 14 majit, ndërsa theksoi se në këtë mision do të fitojë opozita.
Discussion about this post