Kreu demokrat Sali Berisha ka ripërsëritur ftesën drejtuar çdo qytetari shqiptar që në 20 shkurt ti bashkohet protestës së thirrur nga opozita, duke e cilësuar këtë si ditën e provës së madhe në Tiranë, në orën e fitores në Tiranë.
“Qytetare dhe qytetarë, të marrim fatin tonë në dorë, të marrim fatin e Dibrës në dorë, të marrim fatin e Shqipërisë në dorë.
Askush përveç nesh nuk do mund të shpëtojë Shqipërinë dhe shqiptarët sot.
Ndaj dhe ne, të bëjmë gjithçka për të zgjuar luanin edhe te ata indiferentë.
Ne duhet të bëjmë gjithçka, të bashkohemi në betejën tonë pa kthim.
Të bashkohemi në betejën tonë për rivendosjen e pluralizmit, për mbrojtjen e të drejtave tona”, tha Berisha.
Sipas tij, 20 shkurti ka një simbol të madh për një gjeneratë të tërë, domethënia është thjesht në fushën e erudicionit, por për gjeneratën para tyre, përmbysja e shtatorit të diktatorit më gjakatar, ishte në të vërtetë momenti magjik, momenti hyjnor kur opozita shqiptare u bë opozitë e vërtetë.
“Përmbysja e këtij regjimi është kushti i të gjitha kushteve për të ardhmen e shqiptarëve, për të ardhmen e dibranëve, për të ardhmen e qytetarëve shqiptarë dhe të mbarë kombit.
Ndaj dhe ftesa ime për çdo qytetar shqiptar: më 20 shkurt, në ditën e provës së madhe në Tiranë, në orën e fitores në Tiranë.
Thirrja ime për të gjithë shqiptarët kudo që janë, kudo që janë, në Europë, Amerikë dhe kudo, 20 shkurti ju fton në ditën e betejës së madhe, ditën e lirisë.
O sot o kurrë, të shpëtojmë Shqipërinë!
Shqipërinë, liritë tona, të drejtat tona, do t’i mbrojmë vetë, do i meritojmë vetëm në rast se i mbrojmë.
Askush nuk ka pse të luftojë për ne!
Ndaj dhe ne me besim të palëkundur te e vërteta, me besim të palëkundur në të drejtat dhe liritë tona, në idealet tona më të larta dhe fisnike, duhet të ecim krenarë dhe të pamposhtur drejt përmbysjes së këtij regjimi.
Të shndërrojmë Shqipërinë përsëri në vendin e pluralizmit dhe demokracisë, në vendin e të drejtave të qytetarëve”, tha Berisha.
Në vijim, ish-Kryeministri deklaroi se Altin Dumani drejton organizatën kriminale SPAK, të cilën e cilësoi shumë të rrezikshme, sepse vjedhjen e shekullit, atë të inceneratorëve, vjedhje në të cilën Edi Rama, Engjëll Agaçi, Artur Metani, Erion Veliaj, Damian Gjiknuri, Arben Ahmetaj, Lefter Koka, etj, kanë vepruar si një organizatë kriminale duke dëmtuar vendin në 30 vite 1 miliardë.
“Gjer sot janë zhdukur 200 milionë euro për tre djegësa që nuk ekziston asnjëri.
Të gjitha këto i mbulon Dumani, i mbulon Kraja.
A e dini se çfarë ndodh në Skapin e partisë miq? Ua them unë. Zihen si cackej njëri me tjetrin, pse nuk arreston ti këtë, nuk arrestoj unë atë, pse mbron ti këtë, unë do të mbroj atë.
Ky është sot Skapi dhe vërsulet si hiena kundër opozitës.
Por, 20 shkurti është dita e revoltës, është dita e qytetarëve, dita e fitores”, tha Berisha.
Discussion about this post