Besnik Mustafaj, ish-deputet dhe ish-ministër, u shpreh se në protestën e 20 shkurtit në shesh doli Tirana.
Mustafaj, nga studio e emisionit “Kjo Javë” tha se sado që të thonë se erdhën qytetarët nga rrethet, kjo nuk qëndron, pasi një autobus mban 30 vetë, për të sjellë 3000 vetë duhen 100 autobuzë, a ishin kaq në Tiranë?
“Jam marrë 20 vjet me protesta kur isha në aktiv në politikë. Në 20 shkurt ishte një protestë masive, doli në shesh qyteti i Tiranës. Gjëja kryesore që kjo protestë tregoi ishte se gjërat mund të organizohen edhe pa Sali Berishën.
Tjetra është fakti që bashkimi i grupit parlamentar tregoi se është mirëpritur nga qytetarët, veçanërisht nga Tirana.
Mendoj se edhe grupimi i Lulzim Bashës duhet ti bashkohet PD-së, megjithëse qëndrimi apo preteksti që gjen Basha është pa substancë politike. Basha thotë nuk shkoj atje ku nuk mbështetet SPAK. Po SPAK e mbështesin të gjithë, kritika mund të bëhen, por të gjithë ata në PD e mbështesin SPAK.
Në rastin e z. Berisha, SPAK gaboi, iu vendos një masë sigurie, në një kohë që është person në hetim. Është një nga rastet sui generis, që nuk i bën nder as SPAK”, tha Mustafaj.
Discussion about this post