Protesta e 20 shkurtit, Xhixho: Të bëjmë Shqipërinë vendin e…

Deputetja e Partisë së Lirisë Erisa Xhixho, me anë të një postimi, shprehet se të gjithë shqiptarët duhet të ngrihen në protestën që organizon opozita më 20 shkurt.

Xhixho theksoi se duhet që të ngrihemi kundër regjimit. Ajo shton se vendi është në një gjendje të rënduar, çmimet janë rritur në mënyrë galopante dhe shqiptarët kanë ikur në mënyrë masive. Deputetja e PL bën thirrje që më 20 shkurt, të gjithë të jenë përpara Kryeministrisë në orën 17:30 minuta, për të bërë Shqipërinë që duam.

Postimi i dpeutetes së Partisë së Lirisë, Erisa Xhixho:

Çdo njëri nga ne ka një arsye për të protestuar kundër regjimit më 20 shkurt! Protesta është mbi të gjitha respekt e dinjitet për veten. Pasi secili prej nesh në familjen e vet, në lagjen dhe në punën e vet ndjen keqqeverisjen , taksat e larta, rrënimin ekonomik, koston e lartë të jetesës, arsye që po i shtyjnë shumë shqiptarë të mendojnë largimin nga vendi si zgjidhje. Ndaj me 20 shkurt ne protestojmë dhe kërkojmë me forcë llogari për:

📌Rreth 60% e shqiptarëve që janë në situatë ekonomike tepër të vështirë dhe pranë rënies në varfëri.

📌Për çmimet që vetëm rriten në stratosferë dhe konsumin që ulet. Ndërsa çmimet e importit bien, në tregun e brendshëm ato vetëm rriten.

📌Për dështimin në cilësi të sistemit arsimor shqiptar, për mosmbajtjen e premtimit e 2013 për 5% PPB ndërkohë që sot është 2.2% PPB.

📌Për rrezikun real që i kanoset Shqipërisë në mungesën e mësuesve në fizikë, matematikë e shkencë etj.

📌Që në 4 vjet janë rreth 56 mijë nxënës më pak.

📌Jemi të 8-ët në botë për largimin e trurit, në vend të 69-të mes 80 vendeve sipas testit të PISA-s për rritjen e nivelit të analfabetizmit funksional, si edhe për rënien dramatike të nivelit të përvetësimit të dijeve.

📌Për shëndetësinë falas, premtimi që u shndërrua në mashtrim

Shqiptarët paguajnë 60% nga xhepi për shëndetin, më shumë se të gjithë në Europë.

📌Për bujqësinë që po falimenton dhe blegtorinë që po zhduket

📌Çifteve të reja u duhen 50-70 vite kursime për të blerë një apartament në periferi të Tiranës.

📌36 mijë të rinj largohen çdo vit, 23 mijë pensionistë shtohen në skemën e pensioneve.

📌Për bizneset që po mbyllen dhe taksat që shtohen.

📌3000 vende pune janë mbyllur vetëm që nga 4 janari 2024.

📌Për taksën e shpopullimit 23% për profesionistët e lirë.

Për Shqipërinë e pajetueshme për shumicën dhe parajsën e aferave për pakicën.

Për varfërinë e shqiptarëve që thellohet çdo ditë dhe skemat mafioze që ushqehen me paratë tona.

👉Më 20 shkurt ora 17.30 para Kryeministrisë të gjithë bashkë!

Për veten tonë, për familjet tona, për Shqipërinë që të jetë vendi i mundësive për të gjithë e jo vetëm për disa.