Kryetarët e degëve të Partisë Demokratike mblidhen në selinë blu. Mësohet se në fokus të takimit është protesta e 29 tetorit. Kujtojmë se Kryesia e Partisë Demokratike ka vendosur në mbledhjen e 21 tetorit datën e protestës së radhës së opozitës që do të jetë pikërisht 29 Tetori që do të shtrihet në Tiranë dhe në qytete të tjera të vendit.
Pritet që skenari i kësaj proteste të jetë i njëjtë me atë të 7 Tetorit, që solli bllokime rrugësh, veprime të dhunshme si dhe mjete piroteknike në drejtim të institucioneve të vendit.
Gjatë fjalës së tij në mbledhjen e Kryesisë, kryedemokrati Berisha iu ka bërë thirrje të gjithë qytetarëve që të ju bashkohen në protestën kombëtare.
“Unë u garantoj ju, se nuk ka asnjë nga armët e regjimit, asnjë nga bandat e regjimit, asnëj nga degët e krimit të tij nuk mund t’i rezistojë trimërisë, guximit dhe protestës qytetare. Koha është veprim dhe vetëm veprim! Më datën 29, udhëheqësit e PD në qarqe marrin përsipër të organizojnë qytetarët në rang qarku për paralizën e plotë të këtij regjimi. Ftojmë qytetarët të bashkohen me ne. Unë u them qytetarëve, se në këtë betejë secili duhet të sakrifikojë diçka, secili edhe mund të humbasë diçka, por pas fitores së saj fiton shumë herë më tepër. Unë u bëj thirrje bizneseve të përdorin qepenat e tyre për t’i treguar diktaturës së ju nuk mposhteni kurrë. Të përdorin qepenat e tyre për t’i treguar diktaturës se ju jeni të gatshëm të zbrisni në shesh bashkë me qytetarët”, tha Berisha.“.
“Ndaj dhe, le të ngrihemi të gjithë dhe pas datës 29, data tjetër është shumë e afërt, gjer sa të kalojmë në formën e pandërprerë të kësaj qëndrese”, paralajmëroi Berisha.
Ndërkohë të mërkurën e 23 Tetorit, opozita protestën e radhës e zhvendosi para Parlamentit Evropian. Një grup deputetësh të PD-së organizuan një protestë ditën kur do të mbahej në Strasburg seanca parlamentare e eurodeputetëve.
gijotina.com/
Discussion about this post