Kreu i PD-së, Sali Berisha në një konferencë për gazetarët i pyetur nëse protesta e 3 marsit ka lidhje me vendimin e gjykatës së Apelit, tha se është rastësi, ndërsa u shpreh se ai ka atakuar vetëm një gjykatëse, Blerina Muçin. Sipas tij ajo ka bërë një veprim kriminal.
“Jo, s’kemi punë me gjykatën. Unë kam atakuar vetëm një gjykatës. Një protestë gjigante si ajo e 3 marsit, nuk merret me gjykatën, por do të merret me Edi Ramën. Ra si koincidencë.
Unë kam atakuar vetëm një gjykatës që ka qenë Blerina Muçi. Beri një veprim kriminal të paimagjinueshëm shpalli palë një palë që nuk ishte palë që nuk mund të bëjë kurrë një gjykatës. Ajo e bëri e kapi peng Erion Veliaj. Protesta s’ka lidhje me vendimin e gjykatës. Protesta e madhe e 3 marsit do të bëhet kundër Edi Ramës. Unë e di se ra si koincidencë, por s’ka lidhje. Revolucioni demokratik paqësor gjithnjë fiton. Nuk di ndonjë që ka dështuar por do kohën e tij. Një revolucion u bë më dhunë aty fitoi nomenklatura. Çauseshkun e vranë rusët. Ai ishte diktator dhe rusët e vranë për shërbimin që kishte bërë. Nuk fituan ata që u ngritën kundër. I mbetem besnik rrugës paqësore. E konsideroj këtë rrugë fitimtare dhe të domosdoshme. Partia kishte problem madhor me opozitarizmin e saj, por tani partia është zgjuar dhe ndaj kam besim të madh se ky revolucion nuk është vetëm revolucioni i PD-së”, tha Berisha.
Discussion about this post