Edhe ditën e sotme banorët e “5 Majit” janë mbledhur para Kuvendit të protestojnë kundër prishjes së shtëpive të tyre. Një nga banorët u shpreh i revoltuar për faktin se qeveria dhe Bashkia Tiranë fusin në mes njerëz që t’iu bëjnë presion banorëve të firmosin marrëveshjen, që nuk është sipas vlerës së tregut, ose të fshijnë videot kur janë dhunuar nga policia dhe punonjësit e IKMT.
Sipas tij, qeveria kërkon t’u mbyllë gojën, por ata do vazhdojnë protestën dhe nuk do të heshtin kurrë sepse nuk po iu kthehet prona, pronarëve të vjetër, por do e marrë shteti dhe miqtë e tij për të ndërtuar pallate gjigande ku do shpenzohen miliona euro.
“Kërkojmë vetëm të drejtën tonë. Kam punuar ku është Zoti, ku janë ata që përfaqësojnë zotin në tokë. Ku janë ata që thonë ka kaq besimtarë? Dua të falënderoj patër Pavlën, të tjerët kanë heshtur. Heshtja flori, heshtja jo, heshtja është vdekje, është përballë pushtetit. është të hash turpin me bukë.
Qëndresa jonë do të jetë liri. Pallatet i përkasin të kaluarës. Ai me 75 mijë m2 katrorë del i lirshëm. Ka shumë video që fshihen. Nuk e di arsyen, ndoshta presioni. Vetëm. Zotërinj kërkoni dhe gjeni ku shkojnë 75 mijë m2. Mos vallë ua jep pronarëve të ligjshëm. Kurrë skam kërkuar mëshirë, që 14 vjet, të drejtë po. S’do kërkojë mëshirë përballë pushtetit’, u shpreh ai. Ndërsa i bëri thirrje opozitës të ngrejë zërin dhe të dalë në mbështetje të tyre.
Discussion about this post