Kreu i Partisë Demokratike Lulzim Basha, i është përgjigjur pozitivisht kërkesës së Prokurorisë së Tiranës, për të dëshmuar në lidhje me dhunën e ushtruar në protestën e 8 janarit në selinë e PD-së.
Kujtojmë se në kuadër të hetimeve për protestën e dhunshme, Prokuroria e Tiranës ka bërë të ditur se ditën e nesërme do të marrë në pyetje ish-kryeministrin Sali Berisha dhe kreun e PD Lulzim Basha në lidhje me protestën e 8 janarit, ku u shënuan incidente të dhunshme. Në prokurori do të jenë edhe Noka e Bardhi, ndërsa në 14 janar ora 11:00 do të jetë Bardhi.
Sot u liruan 34 të arrestuarit, një pjesë e të cilëve akuzoheshin për shkatërrim prone. Gjykata vendosi masën e sigurisë Detyrim Paraqitjeje për 24 prej tyre, ndërsa 6 mbështetës të Bashës u liruan nga çdo lloj akuze, pasi sipas Prokurorisë nuk u gjet asnjë provë.
Discussion about this post