Këshilli i prindërve në Kosovë pritet që nga java e ardhshme të marrë masa konkrete për fillimin e vitit të ri shkollor i cili është bojkotuar për shkak të grevës së arsimtarëve.
Labinot Salihu nga Këshilli i Prindërve ka thënë se kjo do të bëhet duke i dërguar nxënësit në shkolla dhe prindërit do të organizojnë orët mësimore.
Salihu tha se kjo është prej ideve kryesore, që pritet të konkretizohet pas mbledhjes së ardhshme të Këshillit të Prindërve të Kosovës.
“Në qoftë se greva vazhdon, ne jemi duke u organizu dhe mobilizu që prindërit të organizohen dhe të fillojnë t’i mbajnë orët në shkolla…”.
Ai deklaroi se këtë këtë veprim nuk duan ta bëjnë që të përplasen me dikë, por thjesht duan zbatimin e Kushtetutës e ligjeve, të cilat ua garantojnë të drejtën për mësim nxënësve.
Greva ka nisur më 25 gusht dhe ka ardhur si pasojë e mos realizimit të kërkesave të SBASHK-ut nga Qeveria e Kosovës, në mesin e të cilave është edhe kërkesa për shtesën prej 100 euro për përballimin e inflacionit deri në Ligjin për Paga. Ndërsa ministrja e Arsimit, Arbërie Nagavci të mërkurën u ka kërkuar mësimdhënësve që të ndërpresin grevën ndërkohë që kryeministri Albin Kurti nuk ka patur asnjë reagim zyrtar.
Discussion about this post