Kryeministri i Kosovës, Albin Kurti bashkë me ministrin e tij të Financave kanë qenë dy emrat më të përfolur ditëve të fundit në vend, për shkak të qasjes që kanë pasur ndaj sindikatave që janë futur tashmë në grevë.
Hekuran Murati, ka marrë vendim që të mos iu ekzekutohen pagat atyre që marrin pjesë në greva, duke shkaktuar kështu reagime të shumta.
Nga Asociacioni i Komunave ka pasur presion të madh në drejtim të Qeverisë që të procedohen pagat për të gjithë dhe jo vetëm për një pjesë të punëtorëve, dhe duke se Qeveria do të veprojë.
Kështu ka bërë me dije Ramiz Lladrovci, derisa vetë Kurti dhe Murati do të dalin sot në një konferencë për media.
“Kryeministri i Republikës së Kosovës, Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media”, ka njoftuar ZKM.
Konferencën do ta mbajnë bashkë në ndërtesën e Qeverisë dhe pritet të fillojë në orën 11:00.
Viti i ri shkollor në Kosovë ka nisur ndryshe nga vitet e tjera pasi sistemi arsimor është përfshirë nga një krizë. Sindikata e Bashkuar e Arsimit, Shkencës dhe Kulturës e Kosovës ( SBAShK ) e drejtuar nga Rrahman Jasharaj ka ftuar mësimdhënësit që të bashkohen në një grevë. Sipas sindikatës arsyeja është se mësimdhënësit po përballen me vështirësi financiare dhe gishtin e drejtojnë nga qeveria e cila prej disa kohësh nuk ka rritur pagat e tyre. Ndërkohë Qeveria e Kosovës i ka bërë thirrje mësimdhënëseve që ta injorojnë grevën e SBAShk’ut pasi sipas tyre kjo do të jetë në dëm të nxënësve.
Discussion about this post