Kreu i PD Sali Berisha, u pyet se çfarë do të bëhet me banorët në Tragjas, të cilët janë duke protestuar, që mos iu merret uji, për ujësjellës në resorte në jug të vendit.
Berisha tha se banorët duhet ta ndëshkojnë me votë këtë qeveri, që po kthen në shkretëtirë 35 fshatra në zonën e Vlorës. Sipas tij, qeveria ka mundësi të sjellë ujë, pa prekur këto zona.
Sali Berisha: Ju them banorëve të Tragjasit, se asnjë liter ujë nuk merret, pa miratimin tuaj të plotë. Qeveria ka mundësi që të sjellë ujë, pa i marrë ujë Tragjasit dhe fshatrave përreth. Këto ujëra s’janë vetëm në Vlorë, por edhe në Dhërmi e në zonën e bregut. Qeveria po shndërron në shkretëtirë 35 fshatra të Vlorës. Asnjë votë mos jepni për ata që duan t’ju grabisin ujin.
Discussion about this post