Presidenti Ilir Meta ka reaguar ndaj protestës së mbështetësve të Berishës në Partinë Demokratike. Meta shprehet se protesta të cilës i referohet si paqësore është e drejtë legjitime që duhet respektuar, ndërsa bën thirrje të ruhet qetësia dhe të shmangen aktet e dhunës. Në të njëjtën kohë Meta kërkon që të evitohen provokimet dhe tensionet e panevojshme.
“Duke ndjekur me shumë vëmendje dhe shqetësim zhvillimet në selinë e Partisë Demokratike, theksoj rëndësinë e protestës paqësore, si një e drejtë fondamentale në demokraci, plotësisht legjitime dhe kushtetuese, që duhet respektuar nga të gjithë!
Bëj thirrje për ruajtjen e qetësisë, shmangien e akteve të dhunës, provokimeve dhe tensioneve të panevojshme”, shprehet Meta.
Presidenti i Republikës shprehet se gjetja e një zgjidhje demokratike është domosdoshmëri për të ruajtuar paqen dhe demokracinë në vend.
“Është tepër e domosdoshme gjetja e një zgjidhjeje të menjëhershme demokratike, që i shërben paqes sociale dhe demokracisë në vend”, përfundon ai.
Nga ana tjetër protestuesit po thyejnë dyert dhe dritaret e selisë blu në kërkim të një alternative për tu futur në ambientet e brendshme të godinës. Ndonëse janë shënuar akte dhune nga mbështetësit e Berishës, ky i fundit e konsideron protestën si paqësore dhe ben thirrje të hapen dyert.
Discussion about this post