Kryeministri Edi Rama duket se po i paraprin protestës së ditës së sotme. Raportohet se në hyrjen e Kryeministrisë po punohet për organizimin e forcave policore që do të shërbejnë gjatë ditës së sotme. Siç është paralajmëruar nga ish-kryeministri Sali Berisha të gjithë mbështetësit e tij do të protestojnë kundër qeverisë. Berisha ka theksuar se një ndër arsyet kryesore të kësaj proteste është nisma ‘Open Balkan’ dhe bashkëpunimi i kryeministrit Rama me atë të Serbisë, Aleksandar Vuçiç.
Kujtojmë se këto protesta vijnë pas përplasjeve të shumta brenda Partisë Demokratike dhe përfundimit të Kuvendit Kombëtar. Paralelisht me të u zhvillua dhe referendumi i thirrur nga Sali Berisha, ku ky i fundit pretendon se ka shkarkuar në mënyrë legjitime, sipas statutit të partisë, kreun aktual Lulzim Basha. Nga ana tjetër Kryesia e PD-së vendosi që të largojë nga çdo post i partisë, personat e shpallur ‘non-grata’.
Discussion about this post