Ka shkuar në 60 numri i personave të shoqëruar në polici pas protestës së djeshme të thirrur nga ish-kryeministri Sali Berisha në selinë blu.
Pas protestës, në të gjitha komisariatet e kryeqytetit janë shoqëruar në total një numër prej 60 qytetarësh nga të cilët 28 persona në Komisariatin nr.1, 15 persona në Komisariatin nr.2, 8 persona në Komisariatin nr.3, 5 persona në Komisariatin nr.5, 3 persona në Komisariatin nr.6 dhe 1 person në Drejtorinë e Policisë së Tiranës. Të dhënat i referohen kohës së kryerjes së inspektimeve dhe situata vijon të jetë në dinamikë pasi priten shoqërime të tjera.
Protesta e djeshme u shoqërua me tensione të shumta, ku edhe pse mbështetësit e Berishës shqyen dyert e jashtme të selisë, nuk depërtuan deri tek zyra e kryedemokratit Lulzim Basha në katin e dytë.
Teksa përplasja intensifikohej, Basha ka kërkuar ndihmën e policisë, e cila i është përgjigjur menjëherë duke marrë në kontroll situatën, dhe duke hedhur gaz lotsjellës drejt turmës, çfarë solli përfundimin e protestës.
Discussion about this post