Nënkryetari i PD, Enkelejd Alibeaj, ka postuar një video nga protesta e sotme në PD, ku shihet Berisha që iu tregon turmës se ku duhet të drejtohen. Alibeaj shkruan se në këto pamje duket qartë që Berisha ka organizuar me qëllime dashakeqe protestën sot.
Më tutje ai thekson se, sot iu hoq maska Berishës dhe për PD nis një kapitull i ri. “Demokratët, shqiptarët dhe bota mbarë e pa se si Sali Berisha orkestroi dhe udhëhoqi një sulm kriminal mbi Partinë Demokratike për ta shndërruar atë në një bunker për hallin e tij personal. Ky sulm i turpshëm do të mbahet mend si dita e tij e fundit në politikë dhe si fillimi i një kapitulli të ri për Partinë Demokratike, të çliruar nga hijet e të shkuarës, nga dhuna dhe mentaliteti komunist”, shkruan ai.
Sot në selinë pati përplasjeje të ashpra mes simpatizantëve, pasi mbështetësit e ish-kryeministrit sulmuan ambientet e godinës. Që në orët e para të paradites së sotme në PD filluan të mblidheshin mbështetës e protestues, por turma më e madhe ishte ajo që erdhi bashkë me ish-kryeministrin Berisha.
Discussion about this post